Team Iceland gegn Argentínu – Leifturskák og hraðskák

Þriðja keppnistímabil Heimsdeildarinnar í netskák hófst formlega í dag, 1. okótber. Gefin hefur verið út pörun í fyrstu umferð og mætir Team Iceland sterku liði Argentínumanna á sunnudaginn kl. 20.

Team Iceland mætti Argentínu á undirbúningstímabilinu og var niðurstaðan þá stórsigur í leifturskákinni en sorglegt tap í hraðskákinni. Búast má við því að Argentína mæti með talsvert sterkara lið að þessu sinni, enda um að ræða formlega keppni, en ekki vináttukeppni líkt og í haust. Allir eru því hvattir til að mæta til leiks og taka þátt í því að kveða niður Argentínudrauginn!

Hvenær?

Keppnin verður með sama sniði og undanfarnar vikur, en fyrst er tefld leifturskák og hefst sú viðureign kl. 20:00. Því næst er tefld hraðskák og hefst sú rimma kl. 20:20. Athugið að keppendur þurfa að skipta um mót á milli viðureigna, en einfaldast er að nota “Tournaments” flipann á Chess.com til þess.

HVAÐ ÞARF AÐ GERA TIL AÐ TAKA ÞÁTT?

Keppendur þurfa að ganga í hópinn https://www.chess.com/club/team-iceland á Chess.com áður en keppnin hefst. Tengill á mótið verður birtur fyrir mót en hann má einnig finna í “Tournaments” flipanum á Chess.com áður en keppnin hefst.

Allir eru hvattir til að ganga í liðið, en ekki er gerð krafa um styrkleika. Því fleiri – því betra!

Dagskráin

• Sunnudagur 07. október kl. 20:00 – Bullet keppni 1/1 (Ísland – Argentína)  ( https://www.chess.com/live#tm=1717 )
• Sunnudagur 07. október kl. 20:20 – Hraðskák 5/2 (Ísland – Argentína)  ( https://www.chess.com/live#tm=1718 )

Umferðatafla og pörun keppnistímabilsins

Endanleg pörun hefur ekki verið gefin út, en ætti að birtast fljótlega. Fyrirkomulagið er þannig að pörun er gefin út fyrir hverja viku fyrir sig. Hver viðureign skal svo fara fram innan þess tímaramma sem þarna kemur fram. 1. umferð skal þannig tefld í vikunni 1.-7. október en nákvæm tímasetning er samkomulagsatriði.

Deildin