Undanrásir Síminn Invitational í netskák

• Skráningarform 
• Þegar skráðir keppendur
• Tengill á mótið á chess.com (Mótið opnar 1 klst. áður en það hefst)

Mótið er í umsjón Rafíþróttasambands Íslands í nánu samstarfi við Skáksamband Íslands. Beinar útsendingar verða á Símanum Sport.

Mótið fer fram með áþekku fyrirkomulagi og á síðasta ári. Sjálf 16 manna úrslitin hefjast 28. janúar

Keppendur í 16 manna úrslitum verða valdir á eftirfarandi hátt.

1. Keppendur sem komust í átta manna úrslita á Íslandsmóti Símans haustið 2025 (varamenn úr undanrásunum núna)
2. Efsti maður á Friðriksmótinu–Íslandsmótinu í hraðskák sem ekki fellur undir lið 1 (varamenn úr sama móti)
3. Íslandsmeistari kvenna (varamenn úr sama móti)
4. Þrír stigahæstu skákmenn landsins með virk FIDE-hraðskákstig 1. janúar 2026 sem falla ekki undir nr. 1-3 (varamenn næstu virku menn á hraðskákstigum)
5. Þrír efstu úr undankeppninni á Chess.com (varamenn úr sama móti)

Í úrslitakeppninni verða tefld sex skáka einvígi – sá vinnur sem fyrr fær 3½ vinning. Í úrslitum verður 10 skáka einvígi – sá vinnur sem fyrr fær 5½ vinning.

Verðlaun í aðalkeppninni

1. 200.000 kr
2. 100.000 kr.
3.   25.000 kr
4.   25.000 kr.

Engin verðlaun, nema keppnisréttur í úrslitakeppninni, eru í undanrásunum.

Eftirtöldum hefur verið boðið til leiks

1. GM Vignir Vatnar Stefánsson (8 manna úrslit)
2. FM Símon Þórhallsson (8 manna úrslit)
3. GM Helgi Áss Grétarsson (8 manna úrslit)
4. GM Bragi Þorfinnsson (8 manna úrslit)
5. FM Ingvar Þór Jóhannesson (8 manna úrslit)
6. GM Jóhann Hjartarson (8 manna úrslit)
7. FM Jón Kristinn Þorgeirsson (8 manna úrslit)
8. IM Björn Þorfinnsson (8 manna úrslit)
9. CM Jón Trausti Harðarson (Friðriksmótið) – kemur inn sem 2. varamaður þar sem Hannes og Þröstur afþökkuðu sæti)
10. WGM Lenka Ptácníková (Íslandsmót kvenna)
11. IM Hilmir Freyr Heimisson (skákstig)
12. GM Helgi Ólafsson (skákstig)
13. FM Örn Leó Jóhannsson (skákstig)
14. Undankeppni
15. Undankeppni
16. Undankeppni

Dagskrá