Kirsan Ilyumzhinov hættir í haust.

Kirsan Ilyumzhinov, sem hefur verið forseti FIDE frá árinu 1995, lýsti því yfir í viðtali við Interfax í gær. að hann byði sig ekki fram til endurkjörs. Um leið lýsti hann yfir stuðningi við framboð Arkady Dvorkovich, sem kosinn var forsetaefni rússneska skáksambandsins með yfirburðum, 26 atkvæðum gegn 2, fyrir skemmstu. Líklegt verður að teljast að Ilyumzhinov fái einhverja sárabót.

Sjá fyrri frásögn Skák.is um kosningabaráttuna

Arkady Dvorkovich tilkynnir framboðslista inn: Mynd: Rússneska skáksambandið

Þar með sér fyrir á endann á 23 ára tímabili með Rússann umdeilda í forystu.

Framboðslista Dvorkevich skipa:

  • Forseti: Arkady Dvorkovich (Rússlandi)
  • Fyrsti varaforseti (Deputy): GM Bachar Kouatly (Frakklandi)
  • Varaforsetar (vice) : Mahir Mamedov (Aserbaísjan), GM Julio Granda Zuniga (Perú)
  • Aðalritari: IA Enyonam Sewa Fumey (Tógó)
  • Gjaldkeri: GM Zhu Chen (Katar)

Kouatly er fyrrum forsetaframbjóðandi FIDE og núverandi forseti Skáksambands Frakklands en hann tapaði fyrir Campomanes í sögulegum kosningum árið 1994 eins og lesa má um í magnaðri frásögn Margeir Péturssonar í Morgunblaðinu frá þinginu það ár.

Georgios Makropoulos. Maria Emelianova/Chess.com

Framboðslista Makropoulos skipa:

  • Forseti: IM Georgios Makropoulos (Grikklandi)
  • Fyrsti varaforseti: IM Malcolm Pein (Englandi)
  • Aðalritari: Sundar Damal Villivalam (Indlandi)’
  • Gjaldkeri: Adrian M Siegel (Sviss)
  • Varaforseti: Dr. Chitalu Chilufya (Sambíu)
  • Varaforesti: IM Martha Fierro (Ekvador)

Fyrr í dag tilkynnti Nigel Short sinn framboðslista á Twitter.

Enn er hins vegar spurning um hver þessi Glen Stark er í raun og veru. Sjá nánar á Chess.com. Þeirri spurningu verður að öllum líkindum aldrei svarað.

Afstaða SÍ liggur ekki fyrir og mun ekki gera fyrr en að loknum fundi Skáksambands Norðurlanda með frambjóðendum sem fram fer í júlílok við Helsingjaeyri, samhliða Xtracon Chess Open.

- Auglýsing -