Verðlaunar Mjóddarmótsins í fyrra. Mynd: Heimasíða Hugins.

Mjóddarmótið fer fram laugardaginn 7. júlí í göngugötunni í Mjódd. Mótið hefst kl. 12 og er mótið öllum opið.  Góð verðlaun í boði. Á síðasta ári sigraði Lyfjaval í Mjódd en fyrir þá tefldi Hjörvar Steinn Grétarsson. Tefldar verða sjö umferðir með umhugsunartímanum 4 mínútur + 2 sekúndur á hvern leik. Skráning fer fram í síma 866-0116 og á Skák.is (guli kassinn). Þátttaka er ókeypis!

Meðal þegar skráðra keppenda eru Íslandsmeistarar tveggja síðustu ára; Helgi Áss Grétarsson (2018) og Guðmundur Kjartansson (2017). Skrá yfir þegar skráða keppendur má finna hér.

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

1. 20.000
2. 15.000
3. 10.000

Skráning:

Skráðir keppendur

- Auglýsing -