Alþjóðlegi meistarinn, Guðmundur Kjartansson (2434) tekur sæti Hjörvars Steins Grétarssonar í ólympíuliði Íslands. Helgi Ólafsson tilkynnti ákvörðun sína núna í morgun í bréfi til landsliðsnefndar SÍ.
Þar sem Hjörvar Steinn Grétarsson hefur ákveðið að draga sig út úr liði Íslands sem teflir í opna flokki Ólympíumótsins í Batumi í Georgíu liggur fyrir að velja þarf mann í hans stað. Ég hef ákveðið að Guðmundur Kjartansson taki sæti Hjörvars. Tilkynnt verður um borðaröð síðar. Liðsmenn Íslands eftir þessa breytingu eru því þessir:
Héðinn Steingrímsson,
Jóhann Hjartarson,
Hannes Hlífar Stefánsson,
Helgi Áss Grétarsson,
Guðmundur Kjartansson.
Virðingarfyllst,
Helgi Ólafsson liðsstjóri.
- Auglýsing -
