Friðrik hvetur fólk til dáða á Skákdaginn!

Athugið að mótið hefst kl. 13:30 en ekki kl. 13:00. Það er gert fyrir þá sem vilja tefla bæði í Laufásborg og TORG-skákmótinu.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð Laufásborgar er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2006 eða síðar) sem ekki hafa náð 1600 alþjóðlegum skákstigum geta tekið þátt í mótum. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Dagskrá:

1. umferð: 26. janúar kl. 13.30 (lau)
2. umferð: 26. janúar kl. 16.00 (lau)
3. umferð: 27. janúar kl. 10.00 (sun)
4. umferð: 27. janúar kl. 13.00 (sun)
5. umferð: 27. janúar kl. 16.00 (sun)

Verðlaunaafhending fer fram strax að lokinni 5. umferð.

Tvær yfirsetur (bye) eru leyfðar í umferðum 1-4 og fæst 1/2 vinningur fyrir hvora yfirsetu. Merkja skal við fyrirhugaðar yfirsetur í neðangreindu skráningarformi. Annars skal tilkynna skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 30 mínútum eftir að viðkomandi umferð hefst.

Þátttökugjald á mótið er 1.000 kr. Börn sem eru eða voru á Laufásborg greiða ekki þátttökugjald.

Sigurvegari hvers móts hlýtur að launum bikar. Verðlaunapeningur eru veittur fyrir 2. sæti og 3. sæti. Veglegur farandbikar verður veittur næsta vor fyrir besta samanlagðan árangur í mótum vetrarins og gilda þá mest fjögur mót. Þá verða veitt sérstök verðlaun fyrir besta samanlagðan árangur (fjögur mót) fyrir börn sem eru Laufásborgarar. Skráning fer eingöngu fram í gegnum skráningarform á www.skak.is.

Heiðurgestur mótsins er Friðrik Olafsson sem setur mótið og leikur fyrsta leikinn. Eftir að mótið hefst, ætlar hann að spjalla við foreldrar og gesti, og segja frá æsku sinu. Verið velkomin. Þetta er einstakt tækifæri til að hitta Friðrik á afmælisdagins hans og fá ráð í skák æskuuppeldi hjá fyrsti stórimeistari landsins og Heiðursborgara Reykjavíkur.

Mót Laufásborgar í vetur:  

  1. 5-6 jan.
  2. 26-27 jan.
  3. 23-24  feb.
  4. 23-24 mar.
  5. 6-7 apr.

Nánari upplýsingar um Skákdaginn.

- Auglýsing -