Stórmeistarinn, Hannes Hlífar Stefánsson (2523), hefur hálfs vinnings forskot fyrir lokaumferð alþjóðlega mótsins í Prag. Lokaumferð hófst núna kl. 8.
Í gær gerði hann jafntefli við indverska stórmeistarann G.A. Stany (2507) eftir að hafa verið afar nærri því að landa sigri.
Hannes hefur sjö vinninga og hefur hálfs vinnings forskot á áðurnefndan Stany og Úkraínumanninn Vladislav Bakmatsky (2419). Þeir mætast.
Hannes mætir rússneska stórmeistaranum Evgeny Vorobiov (2566) í lokaumferðinni.
Sigur í skákinni tryggir Hannesi efsta sætið og jafntefli tryggir honum í minnsta falli 1.-2. sæti.
Alls taka þátt 172 skákmenn í flokki Hannes frá 29 löndum. Hannes er einn 12 stórmeistara sem tekur þátt.
- Heimasíða mótsins
- Chess-Results
- Beinar útsendingar (hefjast flestar kl. 15)
- Auglýsing -
