Björn Þorfinnsson (2381) hefur fullt hús eftir fjórar umferðir á alþjóðlega mótinu í Pororoz í Slóveníu. Í gær vann hann slóvenska FIDE-meistarann Milan Kolesar (2205).
Stefán Steingrímur Bergsson (2149) hefur 3 vinninga. Hann vann í gær heimamanninn Franc Mlacnik (1995).
Fimmta umferð fer fram í dag. Björn teflir þá við slóvenska stórmeistarann Marko Tratar (2463) en sá er sá eini sem hefur náð að marka Íslendingana hingað til. Vann Stefán í 2. umferð. Stefán mætir slóvenska FIDE-meistaranum Benijel Beletic (2380) í dag.
Upplýsingar um úrslit þeirra félaga má finna á Chess-Results.
89 skákmenn frá 33 löndum taka þátt í mótinu. Þar á meðal eru átta stórmeistarar. Engar beinar útsendingar frá mótinu.
- Auglýsing -
