Stórmeistarinn Helgi Áss Grétarsson (2412) og alþjóðlegi meistarinn Guðmundur Kjartansson (2453) hafa 5 vinninga að loknum sex umferðum á alþjóðlega „túrbó-mótinu“ í Lviv í Úkraínu.
Helgi tapaði í gær fyrir úkraínska stórmeistaranum Stanislav Bogdanovich (2603) í fyrri skák dagsins en vann hina litháísku Salomeja Zaksaite (2212), alþjóðlega meistara kvenna, í þeirri síðari. Guðmundur vann FIDE-meistarann Andriy Prydun (2258) í fyrri skákinni en gerði jafntefl við stórmeistarann Valeriy Neverov (2460) í þeirri síðari.
Í sjöundu umferð, sem hófst kl. 8 í morgun, teflir Helgi við áðurnefndan Neverov en Gúmmi mætir Oleg Budnikov (2397).
FIDE-meistarinn Páll Agnar Þórarinsson (2238) hefur hlotið 4 vinninga.
Upplýsingar um árangur íslensku keppendanna má finna á Chess-Results.
- Heimasíða mótsins
- Chess-Results
- Beinar útsendingar (hefjast kl. 8 og 13).
