Guðlaug Þorsteinsdóttir (1958) vann tékkneska FIDE-meistarann Josef Lys (2152) í sjöttu umferð Prag Open sem fram fór í gær. Jóhanna Björg Jóhannsdóttir (1929) og Tinna Kristín Finnbogadóttir (1859) unnu báðar sínar skákir. Sigríður Björg Helgadóttir (1659) gerði jafntefli. Aðrar skákir íslensku landsliðskvennanna töpuðust og komu því 3½ vinningur í 7 skákum í hús í gær.
Lenka og Guðlaug hafa 3½ vinning, Jóhanna Björg hefur 3 vinninga, Tinna hefur 2½ vinning og Sigríður Björg, Liss og Hrund hafa 2 vinninga.
Adam Omarsson (1241) vann sinn annan sigur í röð í b-flokki og hefur 3 vinninga. Jósef (1097) hefur 2½ vinning.
Sjöunda umferð fer fram í dag.
- Heimasíða mótsins
- Chess-Results
- Beinar útsendingar (oftast kl. 15)
- Auglýsing -
