Kínverjar byrjuðu best í Þjóðakeppni FIDE í netskák sem hófst á Chess.com í dag. Liðið sigraði úrvalsliðin tvö, Evrópu annars vegar og heimsliðið (Rest of the World) hins vegar og hefur 4 stig. Bandaríkjamenn eru í öðru sæti með 3 stig. Unnu Rússa í annarri umferð en gerði jafntefli við Indverja í fyrstu umferð.
Heimsliðið hefur 2 stig en það lagði Indverja að velli í fyrstu umferð. Indverjar, Evrópuúrvalið undir liðsstjórn Garry Kasparovs og Rússar hafa 1 stig.
Tough one for my Team Europe today against a very strong Chinese squad. Will need a match win tomorrow! As for this game, commendable spirit, but maybe trying to blitz Nakamura isn’t the best strategy! https://t.co/MGO1K5bnBS
— Garry Kasparov (@Kasparov63) May 5, 2020
Áfram er teflt á morgun og hefst taflmennskan kl. 13.
Staðan
Tvær umferðir eru tefldar á dag dagana 5.-9. maí. Tefldar eru atskákir (25+10). Fyrri umferð dagsins, alla dagana, hefst kl. 13 og sú síðari ávallt kl. 14:45. Gefin eru tvö stig fyrir sigur í viðureignum en eitt fyrir jafntefli. Tvö efstu liðin á mótinu tefla svo til úrslita (superfinal) sunnudaginn, 10. maí.
Beinar útsendingar eru á chess.com/tv og eru í umsjón Danny Rensch og Robert Hess og fleiri góðra manna. Útsendingar hefjast ávallt kl. 12:30.
Nánar um þjóðakeppnina í netskák.
- Heimasíða Chess.com
- Beinar útsendingar (hefjast kl. 12:30)
- Skákirnar sjálfar í beinni
- Útsendingar Chess24
- Chess-Results
