Það gekk mikið á í fyrstu skák Anands og Kramniks. Mynd: Chess24.

Magnús Carlsen og Peter Svidler eru efstir og jafnir með 9 stig að loknum þremur umferðum á Skákgoðsagna-mótinu á Chess24. Magnús vann Peter Leko og Svidler lagði Boris Gelfand að velli. Fyrrum heimsmeistararnir Vishy Anand og Vladimir Kramnik stálu athyglinni. Kramnik vann Anand í magnaðri skák og svo einvígið.

Fjórða umferð fer fram í dag og hefst kl. 14. Þá mætast meðal annars Carlsen og Gelfand og Svidler og Ding Liren sem hefur engan veginn náð sér á strik.

Nánar um umferð gærdagsins á Chess24.

 

Mótið hefst með því að allir tefla við alla fjögurra skáka atskákeinvígi (15+10). Sigurvegari hvers einvígis fær 3 stig en verði jafnt verður tefldur bráðabani. Komi til bráðabana fær sigurvegarinn 2 stig en sá sem tapar fær 1 stig. Undankeppinni lýkur 29. júlí. Fjórir efstu komast í útsláttarkeppni sem fram fer 31. júlí – 5. ágúst.

Heimasíða mótsins. 

- Auglýsing -