Skákmeistarinn, Gauti Páll Jónsson (2045), vann Danann Dara Sevkan Akdag (2199) í sjöundu umferð afmælismóts ØBRO-skákklúbbsins sem fór í gær. Gauti hafði gert jafntefli í fimm skákum í röð þar á undan. Alþjóðlegi meistarinn Vignir Vatnar Stefánsson (2399) tapaði fyrir móldóvska stórmeistaranum Vladimir Hamitevici (2465) eftir að hafa lagt of mikið á stöðuna með mjög vænlega stöðu.
Vignir hefur 4½ vinning og er í 4.-7. sæti. Gauti hefur 3½ vinning og er í 11.-15. sæti.
Jæja ég er víst orðinn skákmaður sem teflir enska leikinn og næli mér í fáeina vinninga á milli jafntefla. Ég er hérmeð orðinn leiðinlegur skákmaður en ég er allavega að bæta mig!
— Gauti Páll (@JonssonGP) October 22, 2021
Áttunda og næstsíðasta umferð fer fram í dag. Vignir teflir við sænska stórmeistarann Stellan Brynell (2431) og Gauti mætir hollenska skákmeistaranum Henrik Porte (2170).
Félagarnir verða báðir í beinni í umferð dagsins sem hefst kl. 12.
26 keppendur taka þátt í mótinu og þar af 5 stórmeistar. Vignir er áttundi í stigaröð keppenda en Gauti er stigalægstur keppenda.
