Báðar viðureignir íslenska liðsins í 4. umferð ólympíuskákmótsins enduðu með íslenskum sigri. Liðið í opnum flokki vann góðan 3-1 sigur á Nígeríu og kvennaliðið lagði Mósambík einnig 3-1 í æsispennandi viðureign sem réðist í langri skák og tímahraki þegar Mósambík lék sig í mát í einum leik!

Hannes Hlífar vann átakalítinn sigur og Helgi Áss vann einnig góðan sigur með hvítu mönnunum. Sigrar á hvítt og jafntefli með svörtu, eins og það á að vera!

Kvennaliðið lagi sveit Mósambík í æsispennandi viðureign. Tinna tapaði en Lenka vann nokkuð örugglega. Liss sneri svo erfiðri stöðu sér í vil og viðureignin réðist í æsispennandi skák Jóhönnu á 2. borði þegar andstæiðngur hennar lék sig í mát í langri skák.

Andstæðingar morgundagsins í opnum flokki verður sterkt lið Króatíu. Sveitin er sú 17. í stigaröð liða.

Kvennaliðið mætir sveit Wales sem er veikari en sú íslenska á pappírnum fræga (nr. 90).

Lið Íslands í opnum flokki skipa eingöngu stórmeistarar

  1. Hjörvar Steinn Grétarsson
  2. Hannes Hlífar Stefánsson
  3. Guðmundur Kjartansson
  4. Helgi Áss Grétarsson
  5. Margeir Pétursson (jafnframt liðsstjóri)

Íslenska liðið er nr. 43 í styrkleiðaröð. Alls taka 188 lið þátt.

Kvennaliðið

  1. Lenka Ptácníková
  2. Jóhanna Björg Jóhannsdóttir
  3. Hallgerður Helga Þorsteinsdóttir
  4. Lisseth Acevedo Mendez
  5. Tinna Kristín Finnbogadóttir

Liðsstjóri er Ingvar Þór Jóhannesson

Íslenska liðið er nr. 61 í styrkleikaröð. Alls taka 162 lið þátt.

- Auglýsing -

TENGDAR GREINARFLEIRI FRÉTTIR