Íslenskir skákmenn sitja sem fyrr úti að tafli. Vignir Vatnar lauk í gær þátttöku á móti í Uppsölum í Svíþjóð. Gauti Páll hóf í gær þátttöku á EM áhugamanna í Zagreb og Adam og Jósef tefla í Olomouc í Tékklandi
Uppsala Chess Open
Alþjóðlegi meistarinn Vignir Vatnar Stefánsson (2445) tekur þátt í SM-flokki á alþjóðlegu móti í Uppsölum í Svíþjóð.
Vignir tapaði fyrir sænska stórmeistaranum Ralf Akesson (2427) í níundu og síðustu umferð.
Vignir hlaut 6 vinninga og endaði í þriðja sæti. Hann hækkar um 8 stig fyrir frammistöðu sína.
Alls tóku 10 skákmenn í mótinu sem fram fór 8.-14. ágúst. Vignir var þriðji í stigaröð keppenda.
EM áhugamanna
EM áhugamanna fer fram í Zagreb í Króatíu dagana 14.-21. ágúst.
Gauti Páll Jónsson (2071) teflir í flokki skákmanna með minna en 2300 skákstig.
Gauti vann króatískan skákmann (1935) í fyrstu umferð í gær og teflir við annan heimamann (2192) í dag.
Gauti er nr. 23 í stigaröð 50 keppenda.
- Heimasíða mótsins
- Chess-Results
- Beinar útsendingar (hefjast flestar kl. 13)
Olomouc Chess Summer
Bræðurnir Adam (1837) og Jósef Omarssynir (1617) taka þátt í c-flokki Olomouc Chess Sumer sem fram fer 13.-20. ágúst.
Tvær umferðir fóru fram í gær. Adam hlaut hálfan vinning en Jósef einn vinning. Báðir hafa þeir einn vinning.
Fjórða umferð fer fram í dag.
- Heimasíða mótsins
- Chess-Results
- Beinar útsendingar (hefjast flestar kl. 14)
