Íslandsmótið í Fischer-slembiskák fer fram um helgina, um er að ræða samstarfsverkefni á milli Chess After Dark og Skáksambands Íslands.
Mótið fer fram á Center Hotels við Ingólfstorg.
Tíu keppendur taka þátt og tefla allir við alla.
Guðlaugur Þór Þórðarson umhverfis- og loftslagsmálaráðherra setur mótið og leikur fyrsta leiknum.
Dagskrá helgarinnar er eftirfarandi:
Laugardagur 26.nóvember:
1-5 umferð, leikar hefjast 14:00
Sunnudagur 27.nóvember:
5-9 umferð, leikar hefjast 14:00
Að lokinni níundu og síðustu umferð fer útsláttarfyrirkomulag í gang sem er eftirfarandi:
Fyrsta og fjórða sætið mætast í þremur skákum, þar sem fyrsta sætið fær tvo hvíta – ef jafnt í því einvígi, þá ein Armageddon skák þar sem hærra sætið fær að velja lit.
Annað og þriðja mætast sömuleiðis í þremur skákum, þar sem annað sætið fær tvo hvíta – ef jafnt í því einvígi, þá ein Armageddon skák þar sem fyrsta sætið fær að velja lit.
Sama fyrirkomulag í úrslitum og um þriðja sætið.
Tímamörk um helgina eru 15 mínútur + 5 sek á leik.
ATH: Keppendur fá 5 mínútur fyrir hverja skák til að skoða stöðuna.
Bein útsending verður frá mótinu í umsjón Ingvars Þórs Jóhannessonar.
Eftirfarandi keppendur eru skráðir til leiks.
- AM Vignir Vatnar Stefánsson (2382)
- FM Dagur Ragnarsson (2248)
- SM Hjörvar Steinn Grétarsson (2520)
- SM Þröstur Þórhallsson (2492)
- FM Alexandr Domalchuk-Jonasson (2200)
- AM Jón Viktor Gunnarsson (2409)
- Örn Leó Jóhannsson (2169)
- SM Helgi Áss Grétarsson (2365)
- FM Sigurbjörn Björnsson (2357)
- SM Jóhann Hjartarson (2468)
Pörun fyrir fyrstu umferð:
- Vignir Vatnar – Jóhann Hjartarson
- Dagur Ragnarsson – Sigurbjörn Björnsson
- Hjörvar Steinn – Helgi Áss
- Þröstur Þórhallsson – Örn Leó
- Aleksandr Domalchuk – Jón Viktor
Chess After Dark hvetur skákmenn til að kíkja á skákstað og fylgjast með mótinu!
Chess results linkur: http://chess-results.com/tnr700410.aspx?lan=1&art=2&flag=30
