Alþjóðlegi meistarinn Áskell Örn Kárason fór vel af stað á EM 65+ og vann sínar fyrstu tvær skákir. Í þriðju umferðinni á sunnudeginum gerði Áskell jafntefli og má vel við una!
Áskell er númer 38 í stigaröðinni á mótinu og hafði farið vel af stað eins og áður sagði með 2 vinninga úr 2 skákum. Góður sigur í 2. umferð gegn sænska alþjóðlega meistaranum Nils-Gustaf Renman (2312) tryggði Skákmeistara Akureyrar áframhaldandi setu á sýningarborðum. Þar mætti Áskell spænska alþjóðlega meistaranum Joan Pomes Marcet (2201) og hafði hvítt.
Eftir smávægilega ónákvæmni í miðtaflinu stóð Áskell örlítið verr en aldrei nógu alvarlega til þess að hafa þyrfti einhverjar áhyggjur. Jafneflisboð var á boðstólnum þegar taflið var orðið nokkuð gelt og boðið samþykkt.
2,5 vinningar stilla Áskeli upp í 4-19. sæti ásamt ekki ómerkari mönnum en John Nunn og Ljubomir Ftacnik! Áskell er áfram á sýningarborðum í 4. umferð og mætir þar alþjóðlega meistaranum Evgueni Chevelevitch (2312) frá Þýskalandi.
- Skákir á lichess
- Chess-Results (aðeins starting listi)
- Úrslitasíða (torlæsileg!)
