Fimm efstir og jafnir á Reykjavíkurskákmótinu

Fimm skákmenn deila efsta sæti á Reykjavíkurskákmótinu í boði Kviku eignastýringar og Brim, en sjöundu umferð lauk í kvöld. Dagurinn var krefjandi fyrir keppendur, enda var tefld tvöföld umferð – sú sjötta hófst eldsnemma á sunnudagsmorgni.

Fyrir sjöundu umferðina voru þeir Parham Maghsoodloo og Vasyl Ivanchuk efstir og jafnir með 5,5 vinning af 6 mögulegum. Þeir háðu maraþonskák þar sem þeir skildu jafnir eftir mikla baráttu og tímahrak.

Jafntefli þeirra opnaði glugga fyrir þrjá skákmenn til að ná þeim. Mahammad Muradli jafnaði sig eftir sitt eina tap gegn Parham og vann enn eina skák. Enska vonarstjarnan Shreyas Royal náði einnig góðum sigri gegn ísraelskum stórmeistara. Hinn reyndi Aseri Eltaj Safarli slóst í hópinn með því að leggja Jóhann Hjartarson að velli í gríðarlegri baráttuskák. Þessir fimm eru allir með 6 vinninga og leiða nú mótið.

Jóhann er enn efstur Íslendinga með 5 vinninga, en nokkrir náðu að slást í hópinn með honum með sigrum í sínum skákum. Baráttan um „besta Íslendinginn“ gæti orðið nokkuð hörð!

🔮 Áttunda umferð – stærstu viðureignir