Alþjóðlega opna mótinu í Paracin í Serbíu lauk í dag. Reykjavíkurmeistarinn, Stefán Bergsson (2192), átti slæman miðkafla en sýndi úr hverju hann var gerður þegar hann vann tvær skákdrottningar í lokaumferðunum tveimur á glæsilegan hátt. Stefán hlaut 4,5 vinninga eða 50% vinningshlutfall. Hann lækkar um 21 skákstig fyrir frammistöðuna.
Í viðtali við Skák.is sagðist Stefán var þolanlega ánægður með eigin taflmennsku – sérstaklega í lokaumferðunum tveimur. Hann sagðist hlakka til þátttöku í mótinu sem hefst á morgun. Aðstæður í Paracin séu góðar og hann mælir með þessu móti fyrir skákáhugamenn í framtíðinni.
Í lokaða mótinu er hann þriðji stigalægsti keppandinn í 10 manna flokki með meðalstigin 2243 skákstig. Þar eru einnig tefldar 9 umferðir á 7 dögum.
Allt um það mót á heimasíðu þess.
Páll Þórsson (1684), sem tefldi í b-flokki, hlaut 5 vinninga í 9 skákum. Hann hækkar um 31 skákstig fyrir frammistöðu sína.
- Heimasíða mótsins
- Beinar útsendingar (hefjast kl. 14:30).
- Chess-Results
