Sóttvarnareglur á Íslandsmóti skákfélaga

Nú liggur fyrir hvaða reglur verða í gildi fyrir Íslandsmót skákfélaga. Alls mega 75 manns vera saman í rými. Fyrstu deildinni verður skipt í tvö algjörlega aðskilin rými (TR og SÍ) og 2. deildin fer fram í sérrými í Faxafeni 10.

Rými er skilgreint rými í hverri umferð. Á milli umferða eru öll rými sótthreinsuð; taflmenn, skákklukkur, borð og stólbök, sameiginlegir snertifletir, salerni o.s.frv.

Eftirfarandi er áréttað

• Áhorfendur eru ekki leyfilegir á skákstað en með hverju liði má vera einn liðsstjóri/fylgdarmaður sem ekki teflir.
• Hver keppandi/liðsstjóri má bara vera í einu rými í hverri umferð. Hafi lið tvo lið sem tefla í sitthvoru rýminu – þarf tvo liðsstjóra.
• Ekki er grímuskylda fyrir keppendur en liðsstjórar og starfsmenn skulu vera með grímu þegar þeir eru á ferðinni. Mælt er einnig með grímu fyrir keppendur þegar þeir ganga inn í salinn og um salinn á meðan teflt er.
• Ekki er boðið upp á kaffi né aðrar veitingar á skákstað. Glös eru ekki til staðar. Liðsstjórar eru hvattir til að minna sína liðsmenn á það
• Þeim sem finna fyrir einkennum sem geta stafað af Covid-19 er óheimilt að mæta á skákstað eða umgangast þátttakendur.

Fyrsta deildin fer fram í húsnæði TR og SÍ.  Önnur deildin fer fram í Faxafeni 10. Inngangur vesturmegin (gegnt Erninum).

Verðlaunaafhending fer fram strax að móti loknu. Verðlaunaafhending fyrstu deildar fer fram í TR-salnum og 2. deildar í Faxafeni 10.

Skipting í hólf

Beinar útsendingar verða frá helstu viðureignum. Góð úrslitaþjónusta verður tryggð á meðan taflmennsku stendur.

Að lokum minnum við á styrleikaraðaða lista (ef breyting hefur orðið á liði frá fyrri hluta) og form sem fylla út þarf út fyrir hverja umferð.

Öll form og styrkleikaraðaða lista má finna hér: https://www.dropbox.com/sh/fcjwi4735rfej3g/AADogC6TiJGUFuLFkaYZ2qVta?dl=0.

Hægt er að senda uppfærslur á skaksamband@skaksamband.is