Það er gríðarleg spenna fyrir lokaátök Unglingameistaramóts Íslands – Meistaramót Skákskólans sem fram fer í dag. Birkir Ísak Jóhannsson (2088) og Arnar Milutin Heiðarsson (2048) eru efstir og jafnir með 3½ vinning að loknum fjórum umferðum.
Símon Þórhallsson (2275), Björn Hólm Birkisson (2070), Stephan Briem (2023) Alexander Oliver Mai (2060) og Gunnar Erik Guðmundsson (1883) eru í 3.-7. sæti með 3 vinninga.
Óvænt úrslit urðu í fjórðu umferð í gær þegar Birkir Ísak vann Vigni Vatnar Stefánsson (2457) og þegar Gunnar Erik lagði Hilmi Frey Heimisson (2322) að velli.
Tvær síðustu umferðirnar verða tefldar í dag. Í fyrri umferð dagsins mætast meðal annars:
- Birkir Ísak (3½) – Arnar Milutin (3½)
- Alexander Oliver (3) – Símon (3)
- Björn Hólm (3) – Gunnar Erik (3)
- Stephan (3) – Bárður Örn (2½)
- Sverrir (2½) – Vignir (2½)
Fyrri umferð dagsins hefst kl. 11 og sú síðari kl. 17.
- Auglýsing -
