Heimsmeistaramótið í atskák hófst í gær í Varsjá í Póllandi.
FIDE World Rapid & Blitz Chess Championships is a year-end treat that never fails to bring a lot of emotions. #rapidblitz https://t.co/F1svR1OUMK pic.twitter.com/nVSMuvtXwE
— International Chess Federation (@FIDE_chess) December 26, 2021
Þegar fimm fyrstu umferðunum af 13 er lokið eru norski heimsmeistarinn Magnús Carlsen (2842) , fulltrúi heimamanna, Jan-Krzysztof Duda (2801) og Georgíumaðurinn Baadur Jobava (2679) efstir og jafnir með 4½ vinning.
Þrettán keppendur hafa 4 vinninga og þar á meðal eru fransk/íranska ungstirnið Alireza Firouzja (2656) og rússneski áskorandinn Ian Nepomniachtchi (2798).
Fjórum umferðum er lokið í kvennaflokki. Þar eru rússnesku skákkonurnar Valentina Gunina (2499) og Alexandra Kosteniuk (2515) efstar með fullt hús vinninga.
Ítarleg umfjöllun á Chess.com.
HM í atskák heldur áfram í dag með 4 umferðum í bæði opnum flokki sem og kvennaflokki. Mótinu lýkur svo á morgun. Teflt er eftir tímamörkunum 15+10. Taflmennskan í dag hefst kl. 14.
Dagana 29.-30. desember fer fram HM í hraðskák (3+2) þar sem tefld er 21 umferð í opnum flokki en 17 umferðir í kvennaflokki. Taflmennskan hefst kl. 14 fyrri daginn en kl. 13 þann seinni.
Útsendingar Chess24 eru í umsjón Peter Leko og Jan Gustafsson.
Fyrir þá sem hafa aðgang að NRK í gegnum Símann eða Vodafone þá er hægt að fylgjast með mótinu beint þar.
