Glæsilegt, sterkt og skemmtilegt boðsmót Arionbanka fór fram síðastliðið miðvikudagskvöld. Sterkir skákmenn, starfsmenn og velunnarar voru mættir til leiks og keppt var í tveimur styrkleikaflokkum, yfir 1800 og undir.
Tefldar voru sjö umferðir og tvær efstu skákir í hvorum flokki á tjaldi þar sem teflt var á sviði í ráðstefnusal.
Eftir harða keppni í sjö umferðum þar sem ýmsir skiptust á forystu fóru fjórir efstu í undanúrslit. í A-flokki varð Hjörvar hlutskarpastur en Dagur og Bragi áttu góða spretti. Bragi gaf eftir í lokin og rétt missti af undanúrslitum.
Í A-flokki tefldu:
Hjörvar Steinn – Vgnir Vatnar
Helgi Ólafsson – Dagur Ragnarsson
Hjörvar þurfti Armageddon skák gegn Vigni og komst í úrslit eftir harða baráttu. Vignir endaði á að hrifsa þriðja sætið en Hjörvar hafði betur gegn Helga í úrslitaskákinni.
Briem-vélin, Kjartan Briem kom sterkur inn í B-flokknum og endaði efstur eftir undanmótið með 6 vinninga af 7 og sýndi glæsilega takta. Jónarnir tveir voru líka sterkir
Í B-flokki tefldu:
Kjartan Briem – Jóhann Óli
Jón Gunnar Jónsson – Björgvin Ívarsson Schram
Jóhann Óli stöðvaði sigurgöngu Kjartans og lagði svo Jón Gunnar í úrslitum. Björgvin hirti svo bronsið.
- Mótið á Chess-Results A-flokkur
- Mótið á Chess-Results B-flokkur
- Skákir mótsins – 8. umferð eru undanúrslit, 9. umferð Armageddon og 10. umferð úrslit
