A-sveit Hörðuvallaskóla vann yfirburðasigur á Íslandsmóti grunnskólasveita í skák, sjötta skiptið í röð sem er Íslandsmet! Mótið fór fram Landakotsskóla, laugardaginn, 30. mars.
Sveitin hlaut 26 vinninga af 28 mögulegum eða tæp 93%. A-sveit Rimaskóla hafnaði í öðru sæti með 18½ vinning og A-sveit Laugalækjarskóla varð þriðja með 17 vinninga.
Sveit Hörðuvallaskóla var þannig skipuð að venju: Vignir Vatnar Stefánsson, Stephan Briem, Arnar Milutin Heiðarsson, Sverrir Hákonarson og Óskar Hákonarson.
Liðsstjórar voru Gunnar Finnsson og Óskar Hákonarson.
Vignir, Stefán og Arnar fengu viðurkenningu fyrir besta árangur á fyrsta, öðru og þriðja borði en þeir unnu allar sínar skákir. Sverrir vann einnig allar skákir sínar en tefldi færri.
Rimaskóli endaði í öðru sæti og Lauglækjarskóli varð í þriðja sæti.
B-sveit Hörðuvallaskóla, sigurvegarar í Íslandsmóti barnaskólasveita, tók þátt í grunnskólamótinu og lenti í 8.-9. sæti með 14 vinninga.
Laugarlækjaskóli hlaut verðlaun fyrir bestan árangur c-liða.
Grunnskólinn í Hveragerði fékk verðlaun fyrir bestan árangur landsyggðarsveita
Lið Hörðuvallaskóla sem sigruðu á Íslandsmóti barnaskóla – og grunnskólasveita unnu sér þar með rétt til að tefla fyrir Íslands hönd á Norðurlandamótinu í skólaskák sem fram fer í Svíþjóð í september.
Eftirtaldir hlutu borðaverðalun: Vignir Vatnar Stefánsson, Stephan Briem, Arnar Milutin Heiðarsson (allir Hörðuvallaskóla), Arnór Gunnlaugsson (Rimaskóla), Kirill Zolotuskiy (Landakotsskóla) og Markúr Orri (Háteigsskóla).
Lokastaðan á Chess-Results.
Skákstjórar voru Ingibjörg Edda Birgisdóttir og Róbert Lagerman. Landakotsskóli fær þakkir fyrir frábært samstar við mótshaldið.
Beðist er afsökunar á því hversu seint þessi frétt birtist.
