Í gær voru tefldar tvær umferðir á Norðurlandamótinu í Sarpsborg. Helgi Áss Grétarsson (2433) hlaut í þeim hálfan vinning. Hann gerði jafntefli við sænska alþjóðlega meistarann Jonathan Westerberg (2434) en tapaði fyrir norska stórmeistaranum Frode Urkedal (2525). Helgi hefur 4 vinninga og er í 10.-15. sæti. Urkedal er efstur með 5,5 vinninga. Sigurvegarinn fær keppnsirétt á Heimsbikarmótinu í skák í haust.
Lenka Ptácníková (2145) hefur 3 vinninga en hún fékk 1,5 vinning í gær. Hún er í 1.-2. sæti af konunum en efsta konan fær titilinn Norðurlandameistari kvenna.
Baldvin Þorláksson (2523) hefur 3,5 vinninga í öldungaflokki en þar hafa verið tefldar 6 umferðir.
Umferð dagsins hefst kl. 13.
- Auglýsing -
