Víkingaklúbburinn Íslandsmeistari – KR vann aðra deildina

Víkingaklúbburinn vann öruggan sigur á Íslandsmóti skákfélaga sem lauk í dag. Svo fór að Víkingar fengu 5 vinningum meira en SSON sem endaði í öðru sæti. Huginn varð í þriðja sæti.

Skákdeild KR vann sigur í 2. deild eftir harða baráttu við Taflfélag Vestmannaeyja.

Vignir Vatnar Stefánsson náði þriðja og síðasta áfanga sínum að alþjóðlegum meistaratitli og verður útnefndur sem slíkur á næstu mánuðum.

Hjörvar Steinn Grétarsson náði einnig merkilegum áfanga en hann fer yfir 2600. Hann vann Jóhann Hjartarson í dag. Aðeins fjórði íslenski skákmaðurinn sem nær þeim merkilega áfanga. Hinir eru Friðrik Ólafsson, Jóhann Hjartarson og Hannes Hlífar Stefánsson.

Úrslit lokaumferðarinnar

Sigur Víkingaklúbbsins var sannfærandi og stór. Þeir töpuðu fyrir Hugin í lokaumferðinni en það kom ekki að sök. SSON vann 5-3 á b-sveit Víkinga þar sem Víkingar unnu á þremur neðstu borðunum. Fjölnir, TR og Breiðablik unnu í lokaumferðinni. Hin tvö fyrrnefndu taka sæti í úrvalsdeild ásamt SA.

Lokastaðan

Víkingaklúbburinn, SSON, Huginn, Fjölnir, Taflfélag Reykjavíkur og Skákfélag Akureyrar taka þátt í nýrri úrvalsdeildinni í haust.

Breiðablik, Taflfélag Garðabæjar, og b-sveitir Víkingaklúbbsins og Taflfélags Reykjavíkur taka þátt í 1. deildinni nýju í haust.

• Beinar útsendingar
• Úrslitaþjónusta 
• Vefmyndavél úr TR-salnum

2. deild

Spennan var mikil í 2. deild og svo fór að Skákdeild KR hafði sigur eftir spennandi lokaumferð þar sem KR-ingar gerðu 3-3 jafntefli við Taflfélag Vestmannaeyja. Eyjamenn urðu aðrir og b-sveit Skákfélags Akureyrar í því þriðja.

Úrslit 7. umferðar 

Lokastaðan

KR, Taflfélag Vestmannaeyja, og b-sveitir Skákfélags Akureyrar og Hugins tefla í nýrri 1. deild (næstefstu deild) í haust. Líðin í 5.-8. sæti tefla í 2. deild í haust.

Nánar á Chess-Results.

Skákstjórar í síðari hlutanum voru Kristján Örn Elíasson, Jon Olav Fivelstad og Þórir Benediktsson. Tæknistjóri var Arnar Ingi Njarðarson.

Ný deildaskipting 

Ný deildaskipting tekur við í haust. Skipting í deildir verður sem hér segir.