Íslenski hópurinn. Mynd: GB

Það er töluverður stígandi í frammistöðu íslensku ungmennina á EM ungmenna. Aðra umferðina kom alls kom 9½ vinningur í hús en sjöunda umferð fór fram í gær.

Birkir Hallmundarson (u8), Sigurður Páll Guðnýjarson (u10), Engilbert Viðar Eyþórsson (u10), Matthías Björgvin Kjartansson (u12), Guðrún Fanney Briem (u12), Sæþór Ingi Sæmundarson (u14), Benedikt Briem (u16) og Alexander Oliver Mai (u18) unnu í gær. Gunnar Erik Guðmundsson (u14), Adam Omarsson (u14) og Iðunn Helgadóttir (u14) gerðu jafntefli.

Matthías Björgvin er efstur íslensku ungmennana með 4 vinninga, Gunnar Erik hefur 3½ vinning og Sigurður Páll, Guðrún Fanney, Benedikt og Alexander Oliver hafa 3 vinninga.

Áttunda og næstsíðasta umferð hefst í dag kl. 14.

Úrslit 7. umferðar

Tefld er kappskák og er mótið reiknað til skákstiga. Í fyrsta skipti þar sem Íslendingar tefla netskák sem reiknuð er til alþjóðlegra skákstiga.

Ýmsar leiðir eru að til að fylgjast með mótinu. Í síma er afar þægilegt að nota appið Followchess.

- Auglýsing -