Tveir íslenskir stórmeistarar sitja að tafli erlendis þessa dagana. Henrik Danielsen (2514) teflir á HM öldunga á Ítalíu en Héðinn Steingrímsson (2504) teflir á alþjóðlegu móti í Dallas í Bandaríkjunum.
Henrik teflir í flokki 50+ og hefur 5 vinninga að loknum 8 umferðum. Slæmur kafli í 5.-6. umferð þegar tvær skákir töpuðust. Henrik hefur hins vegar unnið tvær skákir í röð og er í 24.-38. sæti. Alls eru tefldar 11 umferðir.
Alls taka 148 þátt í flokki Henriks og þar af 14 stórmeistarar. Henrik er næststigahæstur keppenda.
- Heimasíða mótsins
- Chess-Results
- Beinar útsendingar (hefjast flestar kl. 14)
——
Héðinn Steingrímsson teflir á alþjóðlegu móti í Dallas í Bandaríkjunum. Héðinn vann stigalágan andstæðing í gær. Í dag eru tefldar tvær umferðir.
Alls taka 22 skákmenn þátt í flokki Héðins. Héðinn er fjórði í stigaröð keppenda.
