Skáksamband Íslands skilaði hagnaði upp á 1,8 milljónir króna árið 2025. Þetta er aukning frá árinu á undan þegar tap nam rúmlega 350 þúsund krónum að teknu tilliti til afkomu Skákskólans 2024. Sjálft Skáksambandið var með 2 milljóna hagnað árið 2024 en Skákskólinn með tap upp á 2,4 milljónir. Skáksambandið og Skákskólinn voru í fyrsta skipti nú með sameiginlegan ársreikning.
Eigið fé Skáksambandsins stendur nú í tæpum 79 milljónum króna og heildareignir námu 90,5 milljónum króna í lok árs.
Niðurstaða ársreiknings er endanleg en frekari skýringar og sundurliðanir verða birtar fyrir aðalfund sambandsins sem fram fer 30. maí nk.
Ársreikningar og árskýrslur SÍ
- Auglýsing -
