Fréttir

Umferð dagsins hefst kl. 10: Ítalía og Mexíkó

Eftir

24. september, 2026

Áttunda umferð Ólympíuskákmótsins í Samarkand hefst kl. 10:00. Andstæðingar dagsins eru Ítalía í opnum flokki og Mexíkó í kvennaflokki. Jóhann Hjartarson og Hrund Hauksdóttir hvíla. Þrjár umferðir eru eftir eftir daginn í dag.

Opna liðið vann Suður-Kóreu 2½–1½ í gær. Vignir og Guðmundur unnu, Jóhann gerði jafntefli, Hilmir tapaði. Eftir sjö umferðir er Ísland með 9 liðsstig og 18½ vinninga og er í 43. sæti.

Kvennaliðið vann Mósambík 3½–½ í gær. Lenka, Guðrún og Iðunn unnu, Hrund gerði jafntefli. Liðið er með 8 liðsstig, 18 vinninga og er í 68. sæti.

Opinn flokkur: Ítalía – Ísland

Allir fjórir Ítalir eru stórmeistarar og stigahærri á öllum borðum. Hannes kemur inn; Jóhann hvílir.

Borð	Ítalía	stig	Ísland	stig
1	GM Lorenzo Lodici	2573	GM Vignir Vatnar Stefánsson	2531
2	GM Luca Moroni	2556	IM Hilmir Freyr Heimisson	2342
3	GM Francesco Sonis	2539	GM Hannes Hlífar Stefánsson	2425
4	GM Sabino Brunello	2536	GM Guðmundur Kjartansson	2402

Vignir er með 5 af 7 og mætir Lodici. Hilmir teflir við Moroni, Hannes við Sonis og Guðmundur við Brunello. Liðssigur eða jafntefli gegn þessari sveit væru frábær úrslit

Kvennaflokkur: Mexíkó – Ísland

Mexíkó er stigahærra á öllum borðum. Iðunn kemur inn; Hrund hvílir.

Borð	Mexíkó	stig	Ísland	stig
1	WIM Zenia Corrales Jiménez	2125	WGM Lenka Ptácníková	2082
2	WIM Tania Miranda Rodríguez	2041	WFM Hallgerður Helga Þorsteinsdóttir	1995
3	WCM Mia Fernanda Guzmán García	2007	WFM Guðrún Fanney Briem	1865
4	WCM Scarlett Daniela Olea Valle	1975	WCM Iðunn Helgadóttir	1869

Lenka fær svart gegn Corrales. Hallgerður fær hvítt gegn Miranda. Guðrún, sem er með 5 af 7, fær svart gegn Guzmán. Iðunn mætir Olea.

Hverjir eru efstir á mótinu?

Eftir sjö umferðir, með fjórar eftir (að þessari meðtalinni):

Opinn flokkur: Úsbekistan er á toppnum 14 liðsstig. Hefur unnið allar sínar viðureignir. Með 12 liðsstig eru Holland, Indland, Þýskaland, Aserbaídsjan og Armenía. Úsbekistan mætir Þýskalandi í dag, Indland mætir Aserbaídsja og Holland teflir við Armenía.

Kvennaflokkur: Kína og Kasakstan með 13. Indland, Búlgaría, Georgía, Armenía og Mongólía með 12. Kasakstan mætir Indlandi og Georgía mætir Kína.

Vefsíður til að fylgjast með