Kristján Örn Elíasson stjórnar vikulegum útvarpsþáttum, á miðvikudögum, á Útvarpi Sögu – sem heita; Við skákborðið.
Í gær settist skákmaðurinn, Magnús Pálmi Örnólfsson, niður við skákborðið í Skipholtinu.
Í kynningu um þáttinn segir:
Magnús Pálmi Örnólfsson, skákmeistari og hagfræðingur með MBA-gráðu, er gestur Kristjáns Arnar Elíassonar. Magnús lítur yfir viðburðaríkt sumar og segir meðal annars frá ferð að Galtarvita, afmælisskákmóti Halldórs Grétars Einarssonar í Bolungarvík, maraþonhlaupi með dóttur sinni og skemmtilegri skáksögu frá Osló. Hann segir jafnframt frá endurgerð Hóls í Bolungarvík og framtíðaráformum sínum um að nýta húsið meðal annars sem skáksetur.
Þá ræða þeir haustmót Taflfélags Reykjavíkur og Skákfélags Akureyrar, komandi deildakeppni, Ólympíuskákmótið í Úsbekistan, heimsmeistaraeinvígi Gukesh og Sindarov og Evrópumót taflfélaga í Svartfjallalandi.
Í lok þáttar ræða þeir 50 ára sögu U2, persónuleg tengsl Magnúsar við hljómsveitina og hið áhrifamikla lag „Exit“ af plötunni The Joshua Tree. Magnús segir frá sögunni og merkingunni á bak við lagið og veltir fyrir sér hvernig það sé að missa stjórn – í tónlistinni, lífinu og við skákborðið.
Eldri þætti má nálgast hér á Spotity.
- Auglýsing -
