Fyrstu beinu forsetakjörsumræður FIDE fóru fram í gær, 9. september, á Chess.com. Maurice Ashley stýrði. Þrír frambjóðendur áttu að taka þátt: Jan Henric Buettner, Wadim Rosenstein og Timur Turlov.

Það sem stóð mest upp úr var að Rosenstein hvarf úr útsendingunni fljótlega eftir inngangsorðin og kom ekki aftur. Hann lofaði meðal annars að vera tiltækur fyrir aðildarsamböndin „24/7“, en tengingin slitnaði. Ashley sagði að Chess.com hefði reynt að ná honum aftur án árangurs. Eftir það stóð umræðan nánast eingöngu milli Turlovs og Buettners.

Rosenstein hefur ekki tjáð sig opinberlega um hvers vegna hann hvarf. Á X-reikningi hans sama dag eru færslur um fund og stuðning, en engin skýring á brottförinni. Malcolm Pein, varaforsetaefni Buettners, sagði að Rosenstein hefði „flippað út“ og ekki þolað einfaldar spurningar.

Turlov þakkaði Buettner fyrir samtalið og bætti við, með dálítilli broddi, að Rosenstein hefði gefið hinum tveimur meiri tíma.


Eftir það snerist umræðan aðallega um fjármögnun FIDE. Turlov talaði fyrir því að forseti gæti verið baktrygging fyrir sambandið og nefndi þróunarsjóð sem gæti farið yfir sex milljónir Bandaríkjadala, meðal annars til móta, dómara, þjálfara og ferða aðildarsambanda. Buettner varaði við slíku fyrirkomulagi og sagði að stórir styrktaraðilar vildu ekki styrkja samband sem væri persónulegt verkefni forsetans. Hann lagði áherslu á skipulag og að FIDE ætti að standa sjálft undir sér. Báðir sögðust vilja vernda klassíska heimsmeistarakeppnina.

Áhorfendur voru harðorðir. Sumir sögðu Turlov hafa talað skýrast, aðrir gagnrýndu Buettner fyrir að lesa svör. Ilya Merenzon, forstjóri World Chess, skrifaði kaldhæðna samantekt; World Chess er þó ekki hlutlaus aðili Styður framboð Turlov.

Kosningin fer fram 26. september í Samarkand.

Frá frambjóðendunum

Turlov eftir umræðurnar:

https://twitter.com/TurlovforChess/status/2097724703267770877

Turlov, 1. hluti:

https://twitter.com/TurlovforChess/status/2097942904039756142

Turlov, 2. hluti:

https://twitter.com/TurlovforChess/status/2097968827409514542

Pein um brottför Rosensteins:

https://twitter.com/TelegraphChess/status/2097842628922396785

Rosenstein daginn fyrir umræðurnar (engin skýring síðar):

https://twitter.com/WadimRosenstein/status/2097402944953974937

Rosenstein sama dag, án umfjöllunar um brottförina:

https://twitter.com/WadimRosenstein/status/2097707176500343230

Horfa á kappræðurnar

https://www.youtube.com/watch?v=98aBgfcajfs

Aðrar umfjallanir

- Auglýsing -

TENGDAR GREINARFLEIRI FRÉTTIR