Undanrásum Haustmóts SA lýkur í dag – sex sæti í úrslitum í boði

Eitthvað er dauft yfir haustmóti SA þetta árið. Tólf keppendur mættu á upphafsumferðirnar í fyrradag en í 3.-4. umferð í gærkvöldi komu aðeins sjö, þ.e. keppendum fækkaði um fimm.

Mótið vissulega auglýst með sveigjanlegu fyrirkomulagi, en þessi slaka þátttaka veldur samt vonbrigðum, enda nokkrir sem voru líklegir til að koma í gærkvöldi, sáust ekki.

Enn er ekki útséð um það hverjir komast í úrslitin og jafnvel ekki útilokað að einhver sem hressist í fyrramálið og ákveður að tefla tvær skákir í 5-6. umferð gæti komist áfram.

Enn er minnt á fyrirkomulagið; undanrásir með sex atskákum og þeir sex keppendur sem flesta vinninga hljóta komast áfram í úrslitakeppnina; þar verður tefld einföld umferð, kappskák um meistaratitil félagsins. Í undanrásunum er í boði að tefla eins margar og mann lystir, en vitaskuld fæst enginn vinningur fyrir óteflda skák.

Nú er bara að vona að Eyjólfur hressist og fleiri láti sjá sig í dag; þá byrjum við kl. 13.
Staða þeirra 12 sem hafa teflt a.m.k. eina skák er sem hér segir:

• Heimasíða SA
• Chess-Results