Alþjóðlegi meistarinn Jón Viktor Gunnarsson (2432) er efstur eftir fyrri dag Íslandsmótsins í atskák sem fram fer um helgina í Stykkishólmi. Jón Viktor hefur hlotið 4½ vinning eftir 5 umferðir. Annar er Dagur Ragnarsson (2111) með 4 vinninga og þriðji er Davíð Kjartansson (2335) með 3½ vinning.
Hrafnhildur Hallvarðsdóttir, forseti bæjarstjórnar í Stykkishólmi lék fyrsta leikinn fyrir Jón í skák hans gegn Jóni. Teflt er við afar góðar aðstæðu í Amtbókasafninu í Stykkishólmi.
Átján keppendur taka þátt í mótinu. Einhverjar munu hafa látið veðrið aftra för sinni í Hólminn en þegar á reyndi reyndist veðrið ekki vera til trafala fyrir ferðalangana. Færð var fín.
Mótinu er framhaldið í dag með umferðum 6-10. Taflmennskan hefst kl. 13.
Mótið á Chess-Results.
