Síðustu einvígi átta manna úrslita á Síminn Invitational klárast í kvöld. Fyrir viku tryggðu þeir Helgi Ólafsson og Hannes Hlífar sér farseðilinn í undanúrslitin -> Helgi og Hannes tryggðu farmiðann í undanúrslitin | Skak.is
Í kvöld eru tvö sæti til viðbótar í húfi en þá mætast annars vegar: Vignir Vatnar Stefánsson gegn Símoni Þórhallssyni og hinsvegar Aleksandr Domalchuk-Jonasson gegn Hilmi Frey Heimissyni. Útsending hefst í kringum 18:00 á streymisrásum Rafíþróttasambandsins og Sjónvarpi Símans. Hart verður barist enda mikið í húfi!
Það er RÍSÍ sem heldur mótið í samstarfi við SÍ. Styrktaraðilar keppninnar eru Síminn, Lengjan, Collab og Ljósleiðarinn.
„Bracket“ mótsins má sjá hér að neðan:
9. janúar
- Helgi Ólafsson – Halldór B. Halldórsson 4-0
- Jóhann Hjartarson – Ingvar Þór Jóhannesson 2-4
26. janúar
- Hallgerður Helga Þorsteinsdóttir – Bragi Þorfinnsson 0-4
- Helgi Áss Grétarsson – Hannes Hlífar Stefánsson 0-4
- Björn Þorfinnsson – Aleksandr Domalchuk-Jonasson 4-2
9. febrúar
- Davíð Kjartansson – Símon Þórhallsson 3-4
- Hilmir Freyr Heimisson – Dagur Ragnarsson 3,5-2,5
- Guðmundur Kjartansson – Vignir Vatnar Stefánsson 1-4
Átta manna úrslit fara fram 9. og 16. mars. Teflt verður á hverjum sunnudegi þar til mótinu lýkur 6. apríl með úrslitum.
Í átta manna úrslitum mætast:
9. mars
- Bragi Þorfinnsson – Hannes Hlífar Stefánsson 2,5-3,5
- Helgi Ólafsson – Ingvar Þór Jóhannesson 3,5-0,5
16. mars
- Aleksandr – Hilmir
- Vignir – Símon
