Það verður indverski stórmeistarainn Rameshbabu Vaishali sem mun skora á Heimsmeistara kvenna Ju Wenjun en hún vann í dag Áskorendamót kvenna á Kýpur. Úzbekinn Javokhir Sindarov tryggði sér sigurinn í gær í opnum flokki og lokaumferðin því bara formsatriði fyrir keppendur. Vaishali lagði Katerynu Lagno að velli í lokaumferðinni en á samt tíma náði Bibisara Assubayeva aðeins jafntefli með svörtu gegn samlöndu Vaishali, Divyu Deshmukh.

Opinn flokkur:

Lítið merkilegt í opna flokknum í lokaumferðinni. Giri tókst þó að kóróna ágætis mót og verða aðeins annar skákmaðurinn til að leggja Bluebaum að velli en hann hafi gert 12 jafntefli í 13 skákum fram að lokaumferðinni. Kannski ætlaði Bluebaum loksins að þenja sig aðeins og láta til sín taka en hann endaði á að telja kallana eitthvað vitlaust.

Caruana vann einnig sína skák gegn Esipenko með svörtu í sikileyjarvörn. Eins og Bluebaum ákvað Esipenko að þenja sig en strandaði í sókninni.

Ótrúlegt mót hjá Sindarov! (Mynd: FIDE)

Sindarov kláraði með 10 vinninga (+6) sem er met í 14 umferða allir við alla áskorendamóti. Giri var annar með 8,5 (+3), gott mót en vitlaust ár fyrir þennan árangur!

Kvennaflokkur:

Spennan var svo sannarlega til staðar fyrir lokaumferðina í kvennaflokki. Vaishali stóð e.t.v. best að vígi með hvítu mennina gegn Lagno á meðan að Bibisara með jafn marga vinninga hafði svart gegn Deshmuk. Zhu Jiner varð að treysta á hagstæð úrslit hálfum vinningi á eftir héldu áfram þvílík spenna! Fyrir umferðina voru Vaishali og Zhu Jiner efsta og jafnar en Bibisara og Muzychuk hálfum vinningi á eftir og með svart gegn Anna Muzychuk.

Desmukh- Bibisara

Bibisara reyndi eftir fremsta megni að búa til ójafnvægi með svörtu en fékk ekki nægjanleg færi. Ef eitthvað er var Bibisara heppin því Desmukh átti nánast rakinn vinning á einum stað en missti af sínum séns. Jafntefli niðurstaðan og þurfti Bibisara nú að treysta á Lagno sem var í erfiðri stöðu.

Vaishali hafði hvítt gegn Lagno og valdi Lagno glæfralegan dreka í þessari skák. Smá spurningarmerki sem má ef til vill setja við þetta byrjanaval, Vaishali hékk á umframpeði og sókn Lagno rann smátt og smátt út í sandinn. Hvítur er með góðan +1 eftir 15 leiki og svo fórnar Lagno sig bara eiginlega í hel þegar allt er að renna út í sandinn. Slöpp skák hjá Lagno.

Vaishali þó væntanlega alveg sama. Óvænt úrslit svo sannarlega, báðir indversku stórmeistararnir voru einu keppendurnir í kvennaflokki undir 2500 elóstigum og heilt yfir var ekkert sem var einstaklega sannfærandi við framgöngu Vaishali. Ritstjórn hefur ekki mikla trú á möguleikum hennar gegn Ju Wenjun þegar þar að kemur.

Sigurvegarinn, Vaishali endaði með 8,5 vinning og endaði hálfum vinningi á undan Bibisara og Zhu Jiner og Goryachkina hálfum vinningi þar á eftir. Mótið einkenndist af miklum sveiflum, allir að vinna alla, mikið um mistök og enginn keppandi sem bar af.

Úrslit dagsins:

Staðan:

Tenglar:

Um mótið:

Kandidatamót FIDE fara fram á Kýpur, bæði í opna flokknum og kvennaflokki. Mótin eru lokastig í baráttunni um það hver fær að skora á heimsmeistarana í klassískri skák. Keppt er með átta keppendum í hvorum flokki, tvöfaldri umferð, allir við alla (round-robin). Alls eru tefldar 14 umferðir, og stendur dagskráin frá 29. mars til 15. apríl með hvíldardögum inn á milli. Bráðabanar fara fram 16. apríl ef þörf er á!

Í opna mótinu eru meðal keppenda Fabiano Caruana, Hikaru Nakamura og Anish Giri ásamt mönnum á borð við Wei Yi, Praggnanandhaa R, Javokhir Sindarov, Andrey Esipenko og Matthias Bluebaum, og sigurvegarinn fær réttinn til að tefla um heimsmeistaratitilinn gegn Gukesh Dommaraju síðar á árinu.

Í kvennaflokki er baráttan ekki síður hörð, með nöfnum eins og Zhu Jiner, Tan Zhongyi, Aleksandra Goryachkina og Kateryna Lagno í fremstu röð, og sigurvegarinn fær að skora á heimsmeistarann Ju Wenjun. Anna Muzychuk kom inn í mótið sem varamaður eftir að Koneru Humpy dró sig út.

- Auglýsing -

TENGDAR GREINARFLEIRI FRÉTTIR