Spennandi Öðlingamóti lauk á miðvikudagskvöldið og fóru leikar þannig að Lenka Ptacnikova endaði í toppsætinu. Fyrir lokaumferðina var Lenka efst ásamt Haraldi Baldurssyni og Páli G. Jónssyni.
Þórður Arnarson gerði Páli grikk á öðru borði og lagði hann að velli. Það þýddi að sigurvegari skákarinnar á efsta borði ætti sigurinn vísan og Lenka greip tækifærið og lagði Harald Baldursson að velli.
Kristján Örn Elíasson náði sigri í lokaumferðinni og lyfti sér því upp í 2. sætið á stigaútreikningum sem hann átti skilið eftir framúrskarandi mót framan af!
Skákir lokaumferðarinnar voru ekki sýndar beint sökum grunnskólamóts sem var að klárast á sama tíma.
Úrslit lokaumferðar:
Lokastaðan
- Mótið á chess-results
- Skákir á LiveCloud | Lichess
- Auglýsing -
