Eins og áður hefur komið fram hafði Magnús Carlsen tryggt sér sigur á Norway Chess þegar einni umferð var ólokið. Hann hafði unnið allar sínar viðureignir. Tvívegis keppskákina en sex viðureignir í bráðabana. Það var ekki fyrr en í lokaumferðinni að hann tapaði í bráðabana fyrir Fabiano Caruana og var ekkert alltof glaður þrátt fyrir að unnið sér inn €75.000.
Carlsen clearly not satisfied with his game: „My performance in the event has been mediocre. There is something missing right now. But I shouldn’t complain too much, but it has been a mess in the last round“ #NorwayChess
— Tarjei J. Svensen (@TarjeiJS) June 14, 2019
Aronian, Yu Yangyi urðu jafnir í 2.-3. sæti. Það er athyglisvert að hefði eingöngu verið um að ræða kappskákmót hefðu Carlsen og Ding Liren orðið efstir og jafnir með með 5,5 vinning. Ding náði sér hins vegar aldrei á strik í bráðabönunum og endaði í sjötta sæti.
Góða umfjöllun um níundu og síðustu umferð má lesa á Chess.com.
Lokastaðan
Fyrirkomulag mótsins
Fyrirkomulag mótsins er afar óvenjulegt. Tímamörkin er miklu hraðari en hefðbundið er. Keppendur fá 2 klukkustundir á alla skákina og 10 sekúndur á leik eftir 40 leiki. Tímastjórnun er því afar mikilvæg.
Sé niðurstaðan jafntefli niðurstaðan verður tefldur bráðabani (armageddon) þar sem teflt er með sömu litum og í kappskákinni. Hvítur fær 10 mínútur en svartur fær sjö mínútur. Viðbótartími (3 sekúndur) bætist við eftir 60 leiki. Jafntefli telst sem sigur fyrir svartan.
Stigagjöf er sem hér segir:
- Sigur í kappskák: 2 stig
- Jafntefli í kappskák og sigur í bráðabana: 1,5 stig
- Jafntefli í kappskák og tap í bráðabana: 0,5 stig
- Tap í kappskák: 0 stig
