Heimsmótið í netskák – Ísland v. Serbía

Team Iceland mætir liði Serbíu í 1. umferð Heimsmótsins í netskák og fer umferðin fram sunnudaginn 14. júli kl. 18:00 – 19:30.

Serbía er með afar sterkt lið eins og við þekkjum frá því í fyrra, en við unnum þá 2-0 á síðasta tímabili og ætlum að sjálfsögðu að endurtaka það á þessu tímabili.

Athugið að allir geta verið með, ekki er gerð krafa um lágmarksstig eða eitthvað slíkt. Því fleiri því betra!. Þeir sem eru ekki í Team Iceland geta gengið í liðið hér – https://www.chess.com/club/team-iceland -.

Dagskrá

• 18:00 Leifturskák 1+1 (lágmark 20 borð)
• 18:20 Hraðskák 5+2 (lágmark 20 borð)
• 19:00 Slembiskák 10+2 (lágmark 15 borð)

Að vanda geta menn valið að tefla aðeins eina eða tvær af þessum viðureignum, ekki er gerð krafa um að tefla allar.

Nýtt fyrirkomulag

Nokkrar breytingar hafa verið gerðar á keppnisfyrirkomulaginu fyrir þetta tímabil. Helst má nefna að nú teflum við alltaf þrjár viðureignir við hvert lið, leifturskák, hraðskák og slembiskák. Við teflum því aðeins við lið í okkar deild (1. deild) en ekki á milli deilda eins og var með leifturskákina á síðasta tímabili.

Eitt stig er í boði fyrir hvert format, þannig að alls eru þrjú stig í pottinum í hverri viðureign.

• Pörun og reglur mótsins

Verðlaun

Chess.com leggur til verðlaun í formi demants áskrifta (í 1. deild). Þeir sem taka oftast þátt eiga því ágæta möguleika á að vinna til verðlauna.

Liðin

Við teflum í 1. deild og þar hafa nú bæst við tvö ný lið, Kasakstan og Frakkland, sem koma upp í stað Perú og Ekvador sem féllu um deild í fyrra.

Nánari upplýsingar verða birtar fljótlega.