Skákdagur Íslands fer fram þriðjudaginn, 26. janúar 2021. Eðli málsins samkvæmt er minna um hátíðarhöld en í venjulega árferði. Engu að síður er ljóst að taflborðin verða tekin upp í skólum, vinnustöðum og víðar.
Hápunkturinn að þessu sinni er spurningakeppni sem fram fer á þriðjudagskvöldið í netheimum í umsjón Ingvars Þór Jóhannessonar í gegnum forritið Kahoot.
Spurningakeppnin er tileinkuð Friðriki Ólafssyni sem einmitt fagnar 86 ára afmæli á Skákdaginn. Sjálfsagt mun Ingvar styðjast við nýlega skákævisögu Friðriks eftir Helga Ólafsson. Ingvar ætlar einnig að skýra sérvalda skák Friðriks.
Fyrirlesturinn og og spurningakeppnin fer fram í gegnum Zoom-forritið og eru allir velkomnir.
Þrír efstu frá bókina The Chess Saga of Fridrik Ólafsson eftir Øystein Brekke sem kemur út í febrúarbyrjun. Bókin verður nánar kynnt á Skák.is á Skákdaginn.
Skáksambandið ætlar að flytja inn einhverja tugi af bókinni og geta áhugasamir skráð sig fyrir henni.
Tengill á spurningakeppnina (verður virkur rétt fyrir kl. 20, þriðjudaginn, 26. janúar).
