Frá verðlaunaafhendingu næitsubs æu ftrra,

Friðriksmót Landsbankans – Íslandsmótið í hraðskák – fer fram í útibúi Landsbankans við Austurstræti 11 laugardaginn 15. desember nk. Mótið hefst kl. 13 og stendur til kl. 16:30-17:00.

Flestir sterkustu skákmenn þjóðarinnar taka þátt. Meðal þátttenda eru stórmeistararnir Helgi Áss Grétarsson, Jóhann Hjartarson, Þröstur Þórhallsson, Bragi Þorfinnsson og Lenka Ptácniková, stórmeistari kvenna og alþjóðlegu meistararnir Guðmundur Kjartansson, Jón Viktor Gunnarsson og Arnar Gunnarsson.

Tímamörkin eru 3+2 og tefldar eru þrettán umferðir.

Skráningu í mótið er lokið en alls komust 100 keppendur að. Áhugasamir um þátttöku geta reynt að mæta á skákstað fyrir 12:45 og athugað hvort laust sæti sé í boði fyrir þá.

Þetta er fimmtánda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki.

Verðlaun fyrir efstu sæti eru eftirfarandi:

  1. 100.000 kr.
  2.   60.000 kr.
  3.   50.000 kr.
  4.   30.000 kr.
  5.   20.000 kr.

Séu tveir eða fleiri jafnir í efsta sætinu verður stigaútreikningur* látinn ráða Íslandsmeistaratitlinum. Verðlaunafé skiptist eftir Hort-kerfinu.

Aukaverðlaun 

  • Efsti maður með 2001-2200 skákstig 10.000 kr.
  • Efsti maður með 2000 stig og minna: 10.000 kr.
  • Efsta konan: 10.000 kr.
  • Efsti strákur 16 ára og yngri (2002 eða síðar): 10.000 kr.
  • Efsta stúlka 16 ára og yngri (2002 eða síðar): 10.000 kr.
  • Efsti skákmaður 65 eða eldri (1953 eða fyrr): 10.000 kr.
  • Útdreginn heppinn keppandi: 10.000 kr.

Aukaverðlaun eru miðað við alþjóðleg hraðskákstig 1. desember sl. (alþjóðleg skákstig til vara hafi menn ekki alþjóðleg hraðskákstig). Stigaútreikningur ræður séu menn jafnir og efstir.

Hver keppandi getur aðeins unnin ein aukaverðlaun og eru aukaverðlaunin valin í þeirri röð sem fram kemur að ofan.

Skráning

Mótið er reiknað til alþjóðlegra hraðskákstiga.

Fyrri sigurvegarar

  • 2017 – Hannes Hlífar Stefánsson
  • 2016 – Jóhann Hjartarson
  • 2015 – Þröstur Þórhallsson
  • 2014 – Héðinn Steingrímsson
  • 2013 – Helgi Ólafsson
  • 2012 – Bragi Þorfinnsson, Hjörvar Steinn Grétarsson og Jón Viktor Gunnarsson
  • 2011 – Henrik Danielsen
  • 2010 – Jón Viktor Gunnarsson og Þröstur Þórhallsson
  • 2009 – Héðinn Steingrímsson
  • 2008 – Helgi Ólafsson
  • 2007 – Héðinn Steingrímsson
  • 2006 – Helgi Áss Grétarsson
  • 2005 – Jón Viktor Gunnarsson og Arnar E. Gunnarsson
  • 2004 – Jóhann Hjartarson og Stefán Kristjánsson

*Mótsstig reiknast svo

  1. Buchols -1
  2. Buchols
  3. Innbyrðis úrslit
  4. Sonneborn-Berger
  5. Flestir sigrar
- Auglýsing -