Hjörvar Steinn Grétarsson að tafli á Ólympíuskákmótinu í Tromsö 2014

Hin óteljandi blæbrigði skáklistarinnar leiftruðu eins og norðurljósin í 5. umferð Skákhátíðar MótX. Vel ígrundaðar hernaðaráætlanir, taktískur sveigjanleiki, dramatískt innsæi og hreinræktuð hugsvik – allt blandaðist þetta saman í sætsúrum kokkteil sem áhorfendur sötruðu sér til ánægju á þessu fagra vetrarkvöldi. 

Hjörvar Steinn Grétarsson og Baldur Kristinsson.

Hér áttust við Huginskappar tveir, annar margefldur stórmeistari, hinn sívaxandi og bráðefnilegur. Hjörvar lagði línurnar með framrásinni f4-f5. Í framhaldinu greip hann allt rými sem var í boði með skipulegu áhlaupi landgönguliða sinna. Í þrengingum neyddist Baldur til að velja mönnum sínum slæmar staðsetningar og auk þess að veikja víglínu sína með holum hér og þar. Hjörvar, sem stýrði hvítu hermönnunum, hreiðraði um sig á e4 reitnum. Svartur afréð að reyna að blíðka goðin með því að fórna einum tindáta.

Fórnin sú hrökk ekki til, Hjörvar Steinn sleppti aldrei fastatakinu á stöðunni og vann nokkuð örugglega.

Guðmundur Kjartansson og Halldór Grétar Einarsson

Drottning Halldórs Grétars æddi út á lífið í byrjun tafls, illa búin í vetrarhörkunni. Guðmundur sýndi hennar hátign enga miskunn og svaraði vel með því að þrengja hressilega að henni. Drottningunni leið illa – í stað þess að vera öflugasti liðsmaðurinn fór öll orka samherja hennar eigin í björgunarleiðangur. Hvítur bætti stöðu sína jafnt og þétt og þegar svartur hélt að hann væri loksins kominn með drottninguna í stórsókn, skellti Gummi laglegum riddaragaffli á f6 snarlega og skiptamunur fór í hafið hjá svörtum.

20.Rf6+ ! Rxf6 21.Hxd8 Rbd7 22.Bf3 g4 23.Re4 Kg7!? 24.Bxf8+! Rxf8 25.Rxf6 Kxf6 26.Bg2.

Hvítur þurfti að gæta sín ögn og í tímahrakinu tók Gummi það til bragðs að fórna skiptamuni til baka og skipti einnig upp á drottningum. Við það minnkuðu yfirburðir hans eitthvað en hann vann samt örugglega.

Björgvin Víglundsson og Jón L Árnason

Björgvin með hvítt skildi eftir holu á d4 sem sóknarsnillingurinn Jón L nýtti sér undir riddara. Stuttu seinna lét svartur til skara skríða.

  1. – Rxh3+ 17. gxh3 Dxh3 18.Re2 Rxe2+ 19.Dxe2 He6 !

og hvítur gafst upp.

Bragi Þorfinnsson og Dagur Arngrímsson

Skákin var vel tefld af beggja hálfu. Engar skýrar línur og barst leikurinn víða.

En í kringum 33. leik náði Bragi smá taki sem hann náði að herða á Degi sem var tímanaumur á þessum kafla og fann ekki leikina sem hefðu dugað til jafnteflis. Svartur gafst svo upp eftir fertugasta leik þegar varnir hans voru brostnar og staðan töpuð.

Meðal óvæntra úrslita í A-flokki var gott jafntefli Magnúsar Pálma gegn Jóhanni Hjartarsyni.

Í B-flokki vann Páll Andrason Jón Trausta á efsta borði og tók þar með forystuna í flokknum. Fast á hæla hans koma þeir Birkir Ísak Jóhannsson og Loftur Baldvinsson sem unnu sigra á Óskari Víkingi (Birkir Ísak) og Eiríki Björnssyni (Loftur). Önnur úrslit í B-flokki voru nokkuð eftir bókinni og engar sáttaumleitanir í gangi.

Sjá önnur úrslit í A og B flokkum í yfirliti hér að neðan.

 

A-flokkur:

Nafn Stig Úrslit Name Rtg
GM Gretarsson Hjorvar Steinn 2560 1 – 0 Kristinsson Baldur 2217
IM Kjartansson Gudmundur 2424 1 – 0 FM Einarsson Halldor Gretar 2272
Viglundsson Bjorgvin 2092 0 – 1 GM Arnason Jon L 2432
GM Thorfinnsson Bragi 2438 1 – 0 IM Arngrimsson Dagur 2367
IM Gunnarsson Jon Viktor 2462 1 – 0 FM Ragnarsson Dagur 2327
Ornolfsson Magnus P. 2201 ½ – ½ GM Hjartarson Johann 2530
Ingvason Johann 2175 0 – 1 IM Thorfinnsson Bjorn 2414
FM Stefansson Vignir Vatnar 2248 1 – 0 Hauksson Hordur Aron 1846
Edvardsson Kristjan 2190 ½ – ½ FM Sigfusson Sigurdur 2241
CM Birkisson Bardur Orn 2233 1 – 0 Sigurjonsson Siguringi 2080
Kristjansson Atli Freyr 2174 1 – 0 Halldorsson Gudmundur 2174
Bergsson Stefan 2172 1 bye
GM Thorhallsson Throstur 2425 ½ Yfirseta
IM Thorsteins Karl 2421 0 Yfirseta
WGM Ptacnikova Lenka 2187 ½ Yfirseta

 

B-flokkur:

Nafn Stig Úrslit Nafn Stig
Andrason Pall 1833 1 – 0 Hardarson Jon Trausti 2137
Bjornsson Eirikur K. 1955 0 – 1 Baldvinsson Loftur 1925
Johannsson Birkir Isak 1910 1 – 0 Davidsson Oskar Vikingur 1941
Jonsson Gauti Pall 2070 1 – 0 Maggason Oskar 1805
Arnarsson Hrannar 2028 0 – 1 Briem Stephan 1987
Briem Benedikt 1868 1 – 0 Haile Batel Goitom 1549
Hakonarson Sverrir 1521 0 – 1 Gudmundsson Gunnar Erik 1693
Einarsson Oskar Long 1743 1 – 0 Davidsson Stefan Orri 1530
Gunnarsson Baltasar Mani Wedh 1355 0 – 1 Luu Robert 1687
Heidarsson Arnar 1740 1 – 0 Finnbogadottir Tinna Kristin 1889
Sigfusson Ottar Orn Bergmann 1275 0 – 1 Sharifa Rayan 1164
Alexandersson Orn 1512 1 bye
Johannsdottir Johanna Bjorg 1924 ½ Yfirseta
Magnusdottir Veronika Steinunn 1740 ½ Yfirseta

 

MótX 65+ meistarinn:

1.sæti: Björgvin Víglundsson 2,5 vinninga

MótX 50+ meistarinn:

  1. sæti: Jón L Árnason 4 vinninga
  2. – 3. sæti: Halldór Grétar Einarsson og Þröstur Þórhallsson 3 vinninga

Skákmeistari Breiðabliks:

  1. sæti: Halldór Grétar Einarsson 3 vinninga

2.-5. sæti: Dagur Arngrímsson, Magnús Pálmi Örnólfsson, Lenka Ptachnikova og Vignir Vatnar 2,5 vinninga

Unglingameistari Breiðabliks:

  1. sæti: Birkir Ísak Jóhannsson 4 vinninga

2.-5. sæti: Óskar Víkingur Davíðsson, Stephan Briem, Benedikt Briem og Gunnar Erik Guðmundsson 3 vinninga.

Teflt er á þriðjudagskvöldum og hefst taflmennska kl. 19:30. Skákstjóri er Vigfús Vigfússon.

Heitt er á könnunni og bruðerí af bestu sort og áhugasamir eru  hvattir til að líta inn.

 

- Auglýsing -