Jón Kristinn Þorgeirsson (a-flokki) og Stephan Briem (b-flokki) hafa báðir fullt hús eftir 2. umferð NM í skólaskák sem fram fór í Hótel Borgarnesi í gær. Þeir unnu félaga sína, þá Hilmi Frey Heimisson og Vigni Vatnar Stefánsson í gær. Þriðja Íslendingauppgjörið fór fram í gær í e-flokki en þar gerðu Kristján Ingi Smárason og Tómas Möller jafntefli.
Óskar Víkingur Davíðsson og Róbert Luu sem tefla í c-flokki hafa 1½ vinning. Þeir mætast í dag og hafa þá Íslendingarnar mæst í öllum flokki nema d-flokki.
Benedikt Briem og Gunnar Erik Guðmundsson sem tefla í d-flokki hafa báðir 1 vinning.
Úrslit 2. umferðar
Íslendingar eru efstir í landskeppninni ásamt Norðmönnum með 12½ vinning. Finnar eru þriðju með 11 vinninga.
Í dag verða tefldar umferðir 3 og 4. Fyrri umferð dagsins hefst kl. 10 og sú síðari kl. 16.
Teflt er við frábærar aðstæður á Hótel Borgarnesi. Tilvalinn bíltúr fyrir skákáhugamenn.
- Heimasíða mótsins
- Chess-Results
- Beinar útsendingar (10 og 16)
