Verðlaunahafarnir,: Ólafur Brynjar, Vignir Vatnar og Róbert. Mynd: Heimasíða Vinaskákfélagsins.

Það var mikið fjör í dag 20 september, þegar Vinaskákfélagið hélt Crazy Culture skákmótið í Vin batasetur. Alls komu 18 skákmenn og þar af voru 6 skákmenn með yfir 2000 skákstig. Þetta er sterkasta skákmót sem Vinaskákfélagið hefur haldið um langt skeið, alla vega á þessu ári. Þetta mót var haldið í tilefni þess að klikkaðir menningardagar voru á vegum Reykjavíkurborgar.

Tefldar voru 6 umferðir með 4 + 2 min, á skák.
Skákstjórar voru Róbert Lagerman og Hörður Jónasson
Mótið var reiknað til hraðskákstiga Fide.

Anna Gunnhildur Ólafsdóttir fv. Framkvæmdastýra Geðhjálpar lék fyrsta leikinn hjá Tómasi Ponzi, en Róbert Lagerman lék svo fyrsta leikinn fyrir Vignir Vatnar.

Þess má geta að Geðhjálp styrkti þetta mót og mun styrkja líka Geðheilbrigðis mótið sem verður haldið 10 október.

Við í Vinaskákfélaginu þökkum Geðhjálp og Önnu kærlega fyrir það.

Sigurvegarinn á mótinu varð Vignir Vatnar Stefánsson með 5,5 vinning af 6 möguleikum. Annar varð Róbert Lagerman með 4,5 vinning. Þriðji varð Ólafur Thorsson með sama vinningsfjölda eða 4,5 vinning en lægri á stigum.

Glæsilegir vinningar voru og einnig var Vinaskákfélagið með stórglæsilega köku sem skákmenn og gestir í Vin hámuðu í sig.

Vinaskákfélagið þakkar öllum sem mættu á mótið.

Kveðja,
Hörður Jónasson
Varaforseti Vinaskákfélagsins.

Af heimasíðu Vinaskákfélagsins.

- Auglýsing -