Frakkinn viðkunnanlegi, Maxime Vachier-Lagrave, er kominn í forystu á áskorendamótinu í Katrínarborg í Rússlandi. Hann vann heimamanninn Ian Nepomniachtchi í dag eftir sá síðarnefndi hafði teflt Winaver-afbrigði frönsku varnarinnar á móti Frakkanum. Og til að kóróna byrjunarvalið þá er afbrigðið kennt við C19 í byrjunarbókum. Nepo sá eiginilega ekki aldrei til sólar í skákinni og var yfirspilaður af Vachier-Lagrave.
MVL kom aðeins inn í mótið í með hálfs mánaðar fyrirvara þegar Radjabov afþakkaði þátttöku þar sem honum þótti öryggið sitt og annarra keppenda ekki nógu vel tryggt vegna Covid-19 í Katrínarborg. Maxime er án aðstoðarmanns á staðnum á mótinu.
Öðrum skákum lauk með jafntefli. MVL og Nepo hafa vinningsforskot á næstu menn – sem er reyndar helmingur keppenda. Staða MVL er töluvert betri því að innbyrðisúrslit eru fyrstu oddastig verði keppendur jafnir og efstir. Þeir mætast í lokaumferðinni þann 3. apríl í skák sem gæti hæglega verið úrslitaskák mótsins.
Staðan
Mótið er nú hálfnað og hefst síðari hlutinn á morgun. Þá mætast:
Caruana-Vachier-Lagrave, Wang-Ding, Nepomniachtchi-Giri, Alekseenko-Grischuk.
