Í gær, 11. febrúar var tefld fjórða umferð í A-flokki og sjötta í B-flokki. Að þeim loknum eru þrjár umferðir eftir í hvorum flokki.
Úrslit urðu sem hér segir:
A-flokkur:
- Karl-Andri 0-1
- Hjörleifur-Eymundur 0-1
- Sigurður-Gunnlaugur 1-0
- Rúnar-Stefán frestað
B-flokkur:
- Markús-Alexía 1-0
- Mikael-Sigþór 1-0
- Jökull Máni-Emil 1-0
- Gunnar-Tobias 0-1
- Jóhann-Brimir 1-0
Eins og fyrr var víða hart barist; skák Sigurðar og Gunnlaugs var mjög tvísýn og í lokin gat sá síðarnefndi líklega náð jafntefli með tvöfaldri hróksfórn, en sást yfir það. Í B-flokki var Brimir nálægt sigri gegn Jóhanni, en lék illa af sér og fékk taoað tafl.
Andri er nú einn efstur í A-flokki, en Rúnar á inni frestaða skák og getur náð honum að vinningum. Þeir félagar eigast svo við í næstu umferð og ræður sú skák líklega úrslitum um sigurinn á mótinu. Í B-flokki hafa Markús og Tobias sem fyrr forystuna með 5,5 vinninga, en Mikael kemur á hæla þeim með 5.
Næsta umferð í báðum flokkum verður á sunnudag og hefst kl. 13. Öll úrslit, stöðuna og næstu viðureignir má finna á chess-results.
