Sigrar gegn Trínidad og Tóbagó og Taílandi

Íslensku sveitirnar unnu sínar viðureignir í 9. umferð Ólympíuskákmótsins í Búdapest.

Sveitin í opnum flokki lagði Trínidad og Tóbagó 3 – 1. Vignir Vatnar, Hannes Hlífar og Helgi Áss unnu sínar skákir en Hilmir Freyr tapaði.

• Opinn flokkur á Chess-Results
• Beinar útsendingar (FIDE)
• Beinar útsendingar á LiChess

Íslenska sveitin í kvennaflokki vann öruggan 3,5 – 0,5 sigur á Taílandi. Lenka, Hallgerður Helga og Iðunn unnu sínar skákir en Jóhanna gerði jafntefli.

Með sigrinum í sinni skák tryggði Iðunn Helgadóttir sér titilinn WCM, woman candidate master, þar sem hún hefur náð 3,5 vinningum af 7 mögulegum á Ólympíuskákmóti.

Skák.is óskar Iðunni til hamingju með árangurinn og segir áfram Ísland!

• Kvennaflokkur á Chess-Results
• Beinar útsendingar (FIDE)
• Beinar útsendingar á LiChess

Heimasíða mótsins

Tíunda umferð mótsins hefst kl. 13:15 að íslenskum tíma á morgun, laugardag.