Úrslitaeinvígi Helga Ólafssonar og Hjörvars Steins Grétarssonar hefst með upphitun kl. 20. Í stúdíó mæta Helgi og Hjörvar í stutt viðtöl. Spekingarnir Björn Þorfinnsson og Vignir Vatnar Stefánsson mæta í sófann og spá í spilin. Hvor er líklegri til sigurs? Skólastjórinn fyrrverandi eða nemandinn? Lengjan telur Hjörvar Stein eilítið líklegri til sigurs.
Hvor er líklegri Helgi eða Hjörvar?
Sjálft úrslitaeinvígið hefst að lokinni upphitun á milli 20:30 og 20:45.
Það verður svo upphitun á upphitunni, þ.e. sérstakt upphitunarmót haldið í Arena. Mótið er opið öllum 18 ára og eldri. Teflt verður á veitingastaðnum og góð tilboð á mat og drykk. Þar verður risaskjár þar sem hægt verður að fylgjast með útsendinginni beint.
Teflt verður tilviljunarmót. Gömlu Monrad-spjöldin verða tekin upp Tefldar verða 5 umferðir þar sem dregið verður hverjir mætast í hverri umferð. Það verður því algjör tilviljun hverjir mætast – algjör tilviljun hvort að menn fái oft hvítt eða svart. Mögulega geta mæst oftar en einu sinni. Gestgjafi verður Björn Þorfinnsson.
Tímamörk eru 3+2. Tefldar eru 5 umferðir.
Verðlaun eru:
- 20.000, 2. 10.000 og 3. 5.000. Ef menn jafnir verður dregið hver fær hvaða verðlaun.
Hámarksfjöldi keppenda er 24 – fyrstir skrá sig fyrstir fá keppnisrétt.
