Landsliðsmaðurinn og alþjóðlegi meistarinn Dagur Ragnarsson gerði jafntefli við alþjóðlegan meistara í sjöundu umferð á opna Tælenska, alþjóðlegu móti í Bangkok. Dagur hefur fimm vinninga að loknum sjö umferðum og í grennd við efstu menn. Landsliðskonan og FIDE-meistari kvenna Hallgerður Þorsteinsdóttir tók hjásetu í umferð dagsins.
Dagur hafði svart gegn alþjóðlegum meistara frá Filipseyjum Paulo Bersamina (2434). Dagur tefldi Petroff og jafnaði taflið meira og minna eftir byrjunina. Hvítur fékk einn taktískan séns í miðtaflinu.
21.Bd7!? hefði verið mjög óþægilegur hér. Svartur virðist tapa liði t.d. 21…Hd8 22.e6 og biskupaskálínurnar og e-línan er vesen fyrir svartan! Í staðinn kom 21.f3 og ef eitthvað var þá var það Dagur sem pressaði örlítið í framhaldinu en taflið alltaf í jafnvægi.
Traust jafntefli og Dagur er vinningi á eftir efsta manni, hefur 5 vinninga eftir 7 umferði.
Í áttundu umferð á morgun hefur Dagur hvítt gegn úkraínska stórmeistaranum Vitaly Bernaditsky (2519). en hann er alþjóðlegur meistari. Hallgerður kemur aftur eftir hjásetu og hefur hvítt gegn James Rowan (1921) frá Kanada.
- Heimasíða mótsins
- Skákir á lichess (24 efstu borð)
- Úrslit á chess-results
- Myndasíða mótsins
Um mótið:
241 skákmaður tekur þátt í A-flokki á Bangkok Open. Dagur er númer 45 í stigaröðinni en Hallgerður 127. Stigahæstur keppenda er „Lókurinn“ Loek van Wely en þekktastur keppenda og sá sem hefur oftast unnið mótið er önnur goðsögn, Nigel Short. Tefld er ein skák á dag, níu dagar.
