Stórmeistarinn, Hannes Hlífar Stefánsson (2517), teflir alþjólegu móti í Prag í Tékklandi. Hann hefur 5½ vinninga að loknum 7 umferðum og hefur vinningsforskot á næstu menn. Í gær gerði hann jafntefli við slóvakíska alþjóðlega meistarann Matej Hrabusa (2350).
Um er að ræða 10 manna lokaðan flokk. Meðalstigin eru 2388 skákstig og er Hannes stigahæstur keppenda.
- Heimasíða mótsins
- Chess-Results
- Beinar útsendingar (hefjast kl. 14)
Guðmundur Kjartansson (2496) teflir á minningarmóti um Najdorf sem fram fer í Varsjá í Póllandi.
Gummi gerði jafntefli við hina pólsku Oliwia Kiolbasa (2255), sem er alþjóðlegur meistari kvenna. Hann hefur 4½ vinning eftir 7 umferðir og er í 22.-49. sæti.
Um er að ræða 174 manna flokk og er Guðmundur níundi í stigaröð keppenda.
- Heimasíða mótsins
- Úrslitaþjónusta
- Beinar útsendingar (hefjast kl. 15)
Alþjóðlegi meistarinn, Vignir Vatnar Stefánsson (2361), hefur í dag þátttöku á alþjóðlegu móti í Arandjelovac í Serbíu.
